İkinci ixtisas qrupu üzrə imtahanda maksimum nəticə göstərərək 400 bal toplayan Paşa İsbəndiyarlı Baku TV-yə uğurunun sirrini bölüşüb.

O qeyd edib ki, yüksək nəticə əldə etmək üçün sadəcə çox dərs oxumaq kifayət deyil. Əsas məsələ vaxtı düzgün bölmək və dərslərə ardıcıl şəkildə hazırlaşmaqdır:

"Uğurumun sirri dərslərə düzgün vaxt ayırmaq, günü planlı şəkildə bölməkdir. Məktəbə, hazırlıq kurslarına və fərdi dərslərə vaxtı düzgün ayırmaq lazımdır. Məncə, əsas məsələ çox oxumaq deyil, sistemli şəkildə çalışmaqdır".

Paşa İsbəndiyarlının sözlərinə görə, hazırlıq dövründə sosial həyatdan tamamilə uzaqlaşmaq da düzgün deyil:

"Dostlarla görüşməyə, telefondan və sosial mediadan istifadəyə də müəyyən qədər vaxt ayırmaq lazımdır. Sadəcə, bunlar dərslərə mane olmamalıdır".

Abituriyent gün ərzində dərsə ayırdığı vaxtın dəyişkən olduğunu bildirib. O, bəzi günlər 5-6 saat, bəzi günlər isə 2-3 saat çalışdığını deyib:

"Hətta dərs oxumadığım günlər də olurdu. Bu, günə görə dəyişirdi. Mən özüm 400 bal yığmağı gözləmirdim, amma bu həyatda hər şey mümkündür".

Paşa İsbəndiyarlı maliyyə ixtisasını seçdiyini və Bakı Ali Neft Məktəbində təhsil almağı arzuladığını bildirib. O, gələcəkdə təhsilini xaricdə davam etdirməyi planlaşdırır.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xocalı şəhərində "Qarabağ Tekstil Evi" MMC istifadəyə verilib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN