Xorvatiyalı futbolçu Luka Modriç İtaliyanın "Milan" klubu ilə yeni müqavilə bağlamağa razılıq verib.

"Far.Az" xəbər verir ki, bu barədə jurnalist Fabritsio Romano sosial şəbəkə hesabında paylaşım edib.

Mənbənin məlumatına görə, tərəflər arasında imzalanacaq yeni sözləşmə qısamüddətli olacaq.

40 yaşlı yarımmüdafiəçi ötən mövsümdən "Milan"ın formasını geyinir. O, 2012–2025-ci illərdə İspaniyanın "Real" klubunun şərəfini qoruyub. Modriç Madrid təmsilçisinin heyətində altı dəfə UEFA Çempionlar Liqasının, beş dəfə Klublararası Dünya Çempionatının, dörd dəfə İspaniya çempionatının, iki dəfə ölkə kubokunun və beş dəfə İspaniya Superkubokunun qalibi olub.

2018-ci ildə "Qızıl top" mükafatına layiq görülən təcrübəli futbolçu karyerası ərzində İngiltərənin "Tottenhem", Xorvatiyanın "Dinamo" və "İnter Zapreşiç", həmçinin Bosniya və Herseqovinanın "Zrinski Mostar" klublarında da çıxış edib.

Modriç Xorvatiya millisinin heyətində 2018-ci il dünya çempionatının gümüş, 2022-ci il mundialının isə bürünc mükafatını qazanıb. 2026-cı il dünya çempionatı onun futbolçu karyerasında iştirak etdiyi beşinci mundial olub.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

"Dinamo Zaqreb"in dünya futboluna bəxş etdiyi ULDUZLAR - SİYAHI