Gürcüstanın Milli Enerji və Su Təchizatını Tənzimləmə Komissiyası (GNERC) ölkənin elektrik sistemində baş vermiş genişmiqyaslı qəzanın səbəblərinin araşdırılmasına başlayıb.

"Far.Az"un Gürcüstan bürosu xəbər verir ki, bu barədə Komissiyanın yaydığı məlumatda bildirilir.

Məlumata görə, GNERC təcili iclas keçirərək iyulun 24-də baş vermiş qəzanın səbəblərinin araşdırılması ilə bağlı qərar qəbul edib.

Qərara əsasən, yaradılmış araşdırma qrupuna tənzimlənən enerji şirkətlərinin məlumat bazalarına və qəza ilə bağlı bütün zəruri informasiyaya məhdudiyyətsiz çıxış imkanı verilib.

Komissiya bildirib ki, iyulun 24-də təxminən saat 00:10-da ölkənin enerji sistemində baş vermiş qəza nəticəsində elektrik və telekommunikasiya şəbəkələrinin fəaliyyətində fasilələr yaranıb. Nəticədə Tbilisi və Gürcüstanın əksər bölgələrində elektrik enerjisinin verilişi müvəqqəti olaraq dayandırılıb.

Hazırda qəzanın başvermə səbəblərinin müəyyənləşdirilməsi istiqamətində araşdırmalar davam etdirilir.

Oxşar xəbərlər

Prezident Ərəb Koordinasiya Qrupuna üzv qurumların rəhbər şəxslərini qəbul edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

SEVİNDİRİCİ XƏBƏR - Bu kəndlərdə yeni su şəbəkələrinin qurulması planlaşdırılır

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3