Mədəniyyət Nazirliyi mədəni və yaradıcı sənaye (MYS) sahəsində fəaliyyət göstərən hüquqi şəxslər (QHT-lər istisna olmaqla) üçün qrant müsabiqəsi elan edib.

"Far.Az" xəbər verir ki, bu barədə nazirlik məlumat yayıb.

Bildirilib ki, müsabiqənin məqsədi mədəniyyət xidmətlərinin və yaradıcı sənaye sahələrinin inkişafını dəstəkləmək, innovativ fəaliyyətləri stimullaşdırmaq və mədəniyyət müəssisələrinin infrastrukturunun təkmilləşdirilməsinə töhfə verməkdir.

Müsabiqə çərçivəsində 15 min manatadək kiçik, 15-50 min manat arası orta, 50 min manatdan yuxarı isə böyük qrantlar nəzərdə tutulub. Layihələr milli məzmunlu yaradıcı məhsulların hazırlanması, davranış mədəniyyəti, rəqəmsallaşma, tədqiqat, dublyaj və regionlarda yaradıcı sənayenin dəstəklənməsi istiqamətlərini əhatə etməlidir.

Müsabiqə altı əsas istiqamət üzrə layihələri əhatə edir. Bunlar milli məzmunlu yaradıcı məhsulların (animasiya, oyun texnologiyaları, memarlıq, musiqi, teatr, dəb və dekorativ-tətbiqi sənət) yaradılması, davranış mədəniyyəti üzrə maarifləndirmə, mədəni və yaradıcı sənaye sahəsində rəqəmsallaşma və innovasiya, tədqiqat və elmi-metodiki fəaliyyət, dublyajın dəstəklənməsi, eləcə də regionlarda mədəni və yaradıcı sənayenin inkişafıdır.

Müraciətlər noyabrın 26-sı saat 18:00-dək mygrant.culture.az portalı vasitəsilə elektron qaydada qəbul edilir.

Oxşar xəbərlər

Bakının mərkəzində QHT-lər milli baş örtüyü – kəlağayı ilə yürüş keçiriblər

QHT-lərə dövlət dəstəyinin "bir pəncərə"li yeni mexanizmi yaradılıb

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Heydər Əliyev Fondunun dəstəyi ilə alınan musiqi alətlərinin təqdimatı olub

QHT Agentliyi 2026-cı il üzrə qrant müsabiqələri elan edir