İnsult dünyada əlillik və ölümün əsas səbəblərindən biri olaraq qalır. Mütəxəssislər bildirirlər ki, xəstəlikdən sonra bərpa prosesi uzun və çətin olsa da, düzgün reabilitasiya sayəsində bir çox pasiyentin yenidən müstəqil həyata qayıtmaq şansı var.

Statistikaya görə, hər il dünyada təxminən 10 milyon insan insult keçirir. Araşdırmalara əsasən, hər dörd nəfərdən birinin həyatı boyunca insult keçirmə riski mövcuddur. Son onilliklərdə isə gənclər arasında insult hallarında təxminən 40 faiz artım qeydə alınıb.

İnsult nəticəsində beyində sinir əlaqələri zədələnir. Bu isə əl və ayaqlarda zəiflik və ya iflic, yerimə çətinliyi, nitq pozuntusu, yaddaş və diqqət problemləri kimi fəsadlara səbəb ola bilər.

Nevroloq-reabilitoloq Mariya Panovanın sözlərinə görə, bərpa prosesinə xəstəxanaya yerləşdirildikdən sonra ilk 48 saat ərzində başlamaq mühüm əhəmiyyət daşıyır. Reabilitasiyada nevroloq, loqoped, neyropsixoloq, fiziki terapevt və erqoterapevtdən ibarət komandanın iştirakı daha uğurlu nəticələr verir.

Mütəxəssis qeyd edir ki, sağalma insultun növü, zədələnmənin miqyası, pasiyentin yaşı, yanaşı xəstəlikləri və motivasiyasından asılıdır.

Həkimlərin sözlərinə görə, insultun fiziki fəsadları ilə yanaşı, psixoloji təsirləri də ciddi olur. Bir çox pasiyent depressiya yaşayır, həyata marağını itirir və reabilitasiyanı davam etdirməkdə çətinlik çəkir.

Mütəxəssislər bildirirlər ki, ailə üzvlərinin dəstəyi bərpa prosesində mühüm rol oynayır. Onlar yaxınlara xəstənin görə biləcəyi işləri onun əvəzinə etməməyi, onunla uşaq kimi deyil, bərabər səviyyədə ünsiyyət qurmağı və mənfi proqnozlardan çəkinməyi tövsiyə edirlər.

Həkimlər vurğulayırlar ki, sistemli məşqlər, peşəkar reabilitasiya və yaxınların dəstəyi sayəsində insult keçirmiş insanların əhəmiyyətli hissəsi zamanla gündəlik həyatına və sosial fəaliyyətinə qayıda bilir.

Oxşar xəbərlər

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Həyatda yaxşı şeyləri niyə görmürük? - Tanınmış simaların FİKİRLƏRİ

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3