İİV ilə mübarizə proqramlarının maliyyələşdirilməsinin azaldılması xəstəliyin yeni epidemiyasına səbəb ola bilər.

"Far.Az" xəbər verir ki, bu barədə BMT-nin İİV/QİÇS üzrə Birgə Proqramının (UNAIDS) yeni məruzəsində deyilir.

2025-ci ildə inkişaf məqsədləri üçün beynəlxalq yardım rekord səviyyədə - 23 %, İİV ilə mübarizə proqramlarının maliyyələşdirilməsi isə 18 % azalaraq 8,8 milyard dollardan 7,3 milyard dollara düşüb. Bu göstərici, demək olar, son 20 il ərzində ən aşağıdır.

Nəticədə yoxsul ölkələrdə resurs çatışmazlığı yaranıb. Onların bəzilərində profilaktika proqramlarının 90 %-ə qədəri xarici maliyyələşmədən asılı olub. Bir sıra ölkələrdə qoruyucuların alınması və risk qrupları ilə iş xərcləri 50-85 % azalıb.

BMT-nin məlumatına görə, 2025-ci ildə 1,2 milyon insan İİV-yə yoluxub, 570 min nəfər isə QİÇS ilə əlaqəli xəstəliklərdən ölüb. İİV-yə yoluxmuş 41 milyon insandan təxminən 9 milyonu müalicə almır. Təcili tədbirlər görülmədiyi təqdirdə, 2030-cu ilə qədər yeni yoluxma hallarının sayı 3 milyonu keçə bilər.

Bununla belə, UNAIDS hesab edir ki, 2030-cu ilə qədər QİÇS üzərində qələbə qazanmaq hələ də mümkündür. Lakin yeni profilaktika üsullarının yüksək qiyməti və yoxsul ölkələrdə vəsait çatışmazlığı əsas maneələr olaraq qalır.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2