Braziliyanı təmsil edən marafonçu Daniel Ferreyra San-Paulu ştatında itkin düşüb.

BAKU.WS Oxu.az-a istinadən xəbər verir ki, bu barədə məlumatı TMC portalı yayıb.

Bildirilir ki, idmançı sonuncu dəfə iyun ayının 19-da Barra-Funda bələdiyyəsində yerləşən evindən çıxarkən görünüb. Anasının dediyinə görə, atlet evi tərk edərkən özü ilə sadəcə qara rəngli kürək çantası götürüb. Ailə üzvləri bir neçə həftə davam edən fərdi axtarışlardan sonra hüquq-mühafizə orqanlarına müraciət ediblər. Atletin anası əlavə edib ki, Ferreyranın psixi sağlamlığı ilə bağlı problemləri mövcuddur.

Qeyd edək ki, 27 yaşı olan Ferreyra 2021-ci ildə təşkil edilən Tokio Olimpiadasında iştirak edib. İdmançı 2022-ci ildə marafon qaçışında 2 saat 4 dəqiqə 51 saniyəlik göstərici ilə 1998-ci ildən qalma nəticəni geridə qoyub və Cənubi Amerika rekordunu müəyyənləşdirib.

Oxşar xəbərlər

Prezident İlham Əliyev Əfv Sərəncamı imzalayıb

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Xocalı şəhərində "Qarabağ Tekstil Evi" MMC istifadəyə verilib

Halvaçılığdan ipəkçiliyə, tarixin rəngli pəncərələrinə - Şəki SƏFƏRİ