Mərakeşdən İspaniyanın Şimali Afrikadakı Seuta anklavına on minlərlə qeyri-qanuni miqrantın axını Avropa ölkələrini əlavə təhlükəsizlik tədbirləri görməyə vadar edib.

Far.Az xəbər verir ki, İtaliya hökuməti yaranmış vəziyyət fonunda Şengen məcəlləsi çərçivəsində İspaniya ilə sərhəddə müvəqqəti nəzarətin bərpasını nəzərdən keçirir.

Baş nazir Corcia Meloni Seutadakı vəziyyəti "şokedici" adlandıraraq qeyri-qanuni miqrasiyaya qarşı daha sərt tədbirlərin vacibliyini vurğulayıb.

Fransa Prezidenti Emmanuel Makron isə İspaniya ilə sərhəddə təhlükəsizliyin gücləndirilməsi barədə göstəriş verib. Sərhəd ərazilərinə əlavə mobil qüvvələr, təyyarələr və pilotsuz uçuş aparatları cəlb olunub.

Böhran Avropanın digər ölkələrində də narahatlıq doğurub. Finlandiyanın daxili işlər naziri Mari Rantanen Aİ-nin xarici sərhədlərinin qorunmasının gücləndirilməsinə çağıraraq, bu sahədə öhdəliklərini yerinə yetirməyən ölkələrin Şengen zonasında qalmasının yenidən qiymətləndirilməli olduğunu bildirib.

Qeyd edək ki, Seutaya son günlər misli görünməmiş miqrant axını qeydə alınıb. Hadisələr zamanı insan tələfatının olduğu da bildirilir.

Oxşar xəbərlər

İlham Əliyevin Ciorcia Meloni ilə geniş tərkibdə görüşü olub

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev və Ciorcia Meloni mətbuata bəyanatlarla çıxış ediblər - YENİLƏNİB

"Sarsılmaz Tərəfdaşlıq-2025" birgə xüsusi təyinatlı qüvvələr təlimi sona çatıb