Bu yay Böyük Britaniyada uzun sürən quraqlıq və anomal istilər bir sıra kənd təsərrüfatı bitkilərinin məhsuldarlığının azalmasına, qiymətlərin artmasına və tərəvəz idxalının çoxalmasına səbəb olub.

"Far.Az" xəbər verir ki, bu barədə "The Guardian" qəzeti məlumat yayıb.

Nəşrin məlumatına görə, pab, restoran və supermarket sahibləri kahı və brokkolini İspaniya ilə Niderlanddan almağa başlayıblar. Normal şəraitdə məhz bu dövrdə Britaniya fermerləri bu bitkilərin əsas məhsulunu yığırlar, lakin istilər və yağıntıların olmaması səbəbindən istehsal həcmi əhəmiyyətli dərəcədə azalıb.

"Biz bu məhsulun qablaşdırmada satıldığı çəkini əldə etmək üçün iki baş brokkoli qoymaq məcburiyyətindəyik", - Kələm Bitkiləri İstehsalçıları Assosiasiyasının idarə heyətinin üzvü Devid Simmons qəzetə bildirib.

Bu fonda pomidorun topdansatış qiymətləri 60%, aysberq kahısı 90%, kartof isə 40%-dən çox bahalaşıb.

"The Guardian" qeyd edir ki, 100-dən çox şirkətin, o cümlədən ölkənin ən iri ərzaq şəbəkələrinin rəhbərləri baş nazir Endi Börnhemə idxaldan asılılığı azaltmaq və milli ərzaq sisteminin gücləndirilməsini hökumətin prioritetlərindən birinə çevirmək çağırışı ilə açıq məktub göndəriblər.

Oxşar xəbərlər

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Bakıda yanğın təhlükəsizliyi pozulan topdansatış mağazası bağlandı

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

"McDonald"s Azərbaycan" Yeni Yasamalda restoran açdı