Bakının Xəzər rayonu ərazisində, Zuğulba-Bilgəh istiqamətində velosiped zolağında nəqliyyat vasitələrinin qanunsuz park edilməsi ilə bağlı yayılan görüntülər üzrə polis əməkdaşları tərəfindən tədbirlər görülüb.

Bakı şəhər DYPİ-dən Far.Az-ə bildirilib ki, yol hərəkəti qaydalarını pozaraq velosiped zolağında dayanma və parklanma edən sürücülər müəyyən olunub.

Həmin sürücülər barəsində qanunvericiliyin tələblərinə uyğun inzibati tədbirlər görülüb.

Sürücülərin diqqətinə bir daha çatdırılır ki, velosiped zolaqları yalnız velosipedlərin təhlükəsiz hərəkəti üçün nəzərdə tutulub.

Bu zolaqlarda nəqliyyat vasitələrinin saxlanılması və ya park edilməsi yolverilməzdir və bu kimi hallara qarşı nəzarət tədbirləri davam etdirilir.

Qeyd edək ki, Zuğulba ilə Bilgəh qəsəbələrini birləşdirən yolda salınmış velosiped zolağının avtomobillər tərəfindən zəbt edilməsi ilə bağlı görüntülər yayılıb.

Velosiped həvəskarlarının sözlərinə görə, sanatoriyaların və istirahət mərkəzlərinin olduğu istiqamətdə, yolun sağında velosipedçilər üçün salınmış xüsusi zolaq parkinqə çevrilib.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR

Bakıda Azərbaycan səhiyyəsi üçün önəmli tədbir keçirilib

Anar Rzayev: "2030-cu ildə Bakıda nəqliyyat sıxlığı ciddi azalacaq"

Anar Rzayev: "2030-cu ildə Bakıda nəqliyyat sıxlığı ciddi azalacaq" – MÜSAHİBƏ

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub