Danimarka və Farer adaları hərbi əməkdaşlığı gücləndirmək, eləcə də Farer adalarında və ona bitişik akvatoriyada silahlı qüvvələrin mövcudluğunu artırmaq barədə razılığa gəlib.

"Far.Az" xəbər verir ki, bu barədə Danimarka Müdafiə Nazirliyinin məlumatında deyilir.

Bəyanata əsasən, tərəflər Farer adalarının hakimiyyət orqanları ilə əməkdaşlıq çərçivəsində silahlı qüvvələrin mövcudluğunun tədricən və dövri olaraq genişləndirilməsi barədə razılığa gəliblər.

Danimarkanın müdafiə naziri Yeppe Brus qeyd edib ki, bu addım Arktikada mövcudluğun ümumi möhkəmləndirilməsinin bir hissəsidir və NATO-nun fəaliyyətinə əlavə töhfə olacaq.

Müdafiə Nazirliyindən həmçinin bildirilib ki, hərbi fəallığın artırılması krallığın "Arctic Endurance" ("Arktika dözümlülüyü") təlimləri çərçivəsində həyata keçiriləcək və NATO-nun "Arctic Sentry" ("Arktika keşikçisi") təlimləri ilə əlaqəli olacaq.

Oxşar xəbərlər

NATO Arktikada mövcudluğunu gücləndirmək üçün "Arctic Sentry" missiyasına başladığını elan edib

Brüs Uillisdən danışan həyat yoldaşı: "Xəstəliyinin fərqində deyil"

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2