Bu ilin birinci yarısında "BP-Azerbaijan" şirkəti "Şahdəniz" yatağından 14 milyard kubmetr qaz hasil edib və bu da ötən ilin analoji dövrünün göstəricisi ilə eynidir.

"Report" xəbər verir ki, bu barədə şirkətin cari ilin yanvar-iyun aylarındakı fəaliyyətinin yekunlarına dair hesabatında əks olunub.

Hesabat dövründə kondensat hasilatı 6,2 % azalaraq təqribən 15 milyon barel təşkil edib.

Hazırda yataqdakı qurğuların ümumi hasilat gücü gündəlik təqribən 76,8 milyon kubmetr və ya ildə təxminən 28 milyard kubmetr qaz təşkil edir.

"Şahdəniz" konsorsiumunun xərcləri 2026-cı ilin yanvar-iyun aylarında ötən ilin eyni dövrü ilə müqayisədə 20,1 % artaraq 2,106 milyard ABŞ dollarına çatıb. Əməliyyat xərcləri 8,7 % artaraq 1,394 milyard dollar, əsaslı xərclər isə 50,8 % artaraq 712 milyon dollar olub. Əsaslı xərclərin böyük hissəsi "Şahdəniz" yatağının işlənməsinin II mərhələsi çərçivəsində görülən işlərin payına düşüb. Bu çərçivədə ümumilikdə 24 quyu qazılıb: yatağın şimal, qərb, cənub-qərb və şimal-şərq cinahlarının hər birində 5 quyu, cənub-şərq cinahında isə 4 quyu.

"Şahdəniz" yatağının işlənməsi üzrə müqavilə 1996-cı ildə imzalanıb. Layihə iştirakçılarının payları aşağıdakı kimi bölüşdürülüb: Böyük Britaniyanın "BP plc" şirkəti (texniki operator) - 29,99 %, LUKOIL - 19,99 %, Türkiyənin TPAO şirkəti – 19 %, Azərbaycanın "Cənub Qaz Dəhlizi" şirkəti - 16,02 %, İranın NICO şirkəti – 10 %, Macarıstanın MVM şirkəti – 5 %.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

"Şahdəniz" yatağından ilk qazın əldə edilməsindən 30 il ötür