"İpək Yolu Sığorta" ASC bu ilin I yarısını 750 min manat xalis mənfəətlə başa vurub.

"Far.Az" şirkətin maliyyə hesabatına istinadən xəbər verir ki, bu, ötən ilin eyni dövrü ilə müqayisədə 14,5 % azdır.

Yanvar-iyun aylarında "İpək Yolu Sığorta"nın gəlirləri 7,823 milyon manat (1 il əvvələ nisbətən 6,5 % çox), xərcləri 6,886 milyon manat (10,2 % çox), mənfəət vergisi ödəmələri isə 187 min manat (14,6 % az) təşkil edib.

Bu il iyulun 1-nə "İpək Yolu Sığorta"nın aktivləri 20,218 milyon manat olub ki, bu da illik müqayisədə 5 % çoxdur. Hesabat dövründə şirkətin öhdəlikləri 27,3 % artaraq 5,048 milyon manata çatıb, balans kapitalı isə 0,8 % azalaraq 15,17 milyon manata düşüb.

Xatırladaq ki, "İpək Yolu Sığorta" 2011-ci ildə "AZAL Sığorta" ASC-nin bazasında yaradılıb. Onun nizamnamə kapitalı 14,77 milyon manatdır. Şirkətin səhmlərinin 96,5 %-i "ASG Business Aviation" MMC-yə, 3,5 %-i isə "Azərbaycan Hava Yolları" QSC-yə məxsusdur.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Xocalı şəhərində "Qarabağ Tekstil Evi" MMC istifadəyə verilib

Maşın qiymətinə olan telefon nömrələri satışa çıxarıldı - SİYAHI

"İpək Yolu Sığorta" I rübün maliyyə nəticələrini açıqlayıb

İlham Əliyev İmişlidə "Promalt" MMC-nin arpa emalı müəssisəsinin açılışını edib