Çinin şərq sahillərinə yaxınlaşan güclü "Delfin" tayfunu ilə əlaqədar 420 mindən çox sakin təhlükəsiz ərazilərə köçürülüb.

BAKU.WS xəbər verir ki, bu barədə Çin Mərkəzi Televiziyası məlumat yayıb.

Məlumata görə, Çjetszyan əyalətinin Tayçjou şəhərində 390 mindən çox sakin müvəqqəti olaraq təxliyə olunub. Şanxayda isə sahilyanı ərazilərdən 30 mindən çox insan təhlükəsiz yerlərə yerləşdirilib.

Çin Meteorologiya İdarəsi avqustun 8-də tayfunla bağlı təhlükə səviyyəsini dördüncü pillədən üçüncü pilləyə yüksəldib. Ölkədə fövqəladə hallara reaksiya sistemi dörd səviyyədən ibarətdir və birinci səviyyə ən yüksək təhlükə dərəcəsi hesab olunur.

Məlumata görə, "Delfin" tayfununda küləyin sürəti saniyədə 40 metrdən artıqdır. Güclü təbiət hadisəsinin avqustun 9-dan 10-na keçən gecə Çinin şərq sahillərinə çatacağı gözlənilir.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Su basmış ərazilərdən 118 nəfər təxliyə edilib

İşğaldan azad edilən ərazilərə daha 80 ailə köçürülüb

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

"Botanica Residence"nin rəsmi təqdimatı baş tutdu: Təbiət və şəhər həyatının harmoniyası