Şahzadə Harri və həyat yoldaşı Meqan Markl Kanadada keçirilən qala gecəsində birlikdə kameralar qarşısına çıxıblar.

Far.Az xəbər verir ki, bu, cütlüyün iyul ayında Böyük Britaniyaya səfərindən sonra ilk birgə ictimai görünüşüdür. Həmin səfərdə onların övladları – şahzadə Arçi və şahzadə Lilibet də iştirak edib.

Cütlük cümə günü Devid Foster Fondunun 40 illiyinə həsr olunan tədbirə qatılıb. Harri və Meqan qırmızı xalçada gülümsəyərək pozalar veriblər.

Meqan gecə üçün kanadalı "Greta Constantine" brendinin tünd-göy rəngli, uzun və çiyinsiz libasını seçib. O, görünüşünü sapfir və brilyant qaşlı sırğalarla tamamlayıb. Həmin zinət əşyalarının vaxtilə şahzadə Dianaya məxsus olduğu bildirilir.

Şahzadə Harri isə tədbirə klassik qara smokinq və papyonla qatılıb.

Qeyd edək ki, cütlük Devid Foster və onun həyat yoldaşı, müğənni Ketrin Makfi ilə dostluq edir.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Heydər Əliyev Fondunun dəstəyi ilə alınan musiqi alətlərinin təqdimatı olub