İranda hərbi vəzifələrə yeni təyinatlar həyata keçirilib.

"Report" xəbər verir ki, İranın Ali rəhbəri Müctəba Xamenei bununla bağlı fərman imzalayıb.

İslam İnqilabı Keşikçiləri Korpusunun (SEPAH) generalı Əli Abdullahi Silahlı Qüvvələrin Baş Qərargah rəisi, briqada generalı Keyumers Heydəri isə Silahlı Qüvvələrin Baş Qərargah rəisinin müavini təyin edilib.

Bundan başqa, Əhməd Vahidi general-mayor rütbəsi almaqla, SEPAH-ın baş komandanı vəzifəsinə yüksəlib. Mustafa İzədi isə onun müavini olacaq.

SEPAH-ın Hərbi Dəniz Qüvvələrinin komandanlığı Əli Əzmaiyə, "Bəsic"in rəhbərliyi isə Hüseyn Taibə həvalə edilib.

Xatırladaq ki, Əhməd Vahidi martın 1-dən SEPAH-ın komandanı vəzifəsini icra edir.

19:52

Hüseyn Taib İslam İnqilabı Keşikçiləri Korpusunun (SEPAH) "Bəsic" təşkilatının rəisi vəzifəsinə təyin edilib.

"Report" xəbər verir ki, bu barədə İranın Ali rəhbəri Müctəba Xameneinin fərmanında qeyd olunub.

"İranın qorunması istiqamətində səfərbər olmuş xalqın potensialından istifadə edərək "Hər bir iranlı, bir bəsicidir" şüarının reallaşdırılması məqsədilə bəsic və müqavimət mədəniyyəti genişləndirilsin", - fərmanda qeyd olunub.

Bildirilib ki, xalq kəşfiyyat şəbəkəsi gücləndirilməlidir: "Digər hakimiyyət, dövlət, ictimai qurum və təşkilatlarla qarşılıqlı əlaqə, eləcə də məscid mərkəzli effektiv sosial xidmətlərin inkişafı məqsədilə cihadçı qruplar, təbəqə və məhəllə bəsicləri artırılsın.

İsrail ilə ABŞ-yə qarşı bütün dünyada xalq müqavimətinin nümunəsi kimi bəsic mədəniyyəti təbliğ edilsin".

Qeyd edək ki, "Bəsic" SEPAH-ın hərbiləşdirilmiş könüllü milis təşkilatıdır

Oxşar xəbərlər

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

Vətən müharibəsində Qələbənin beşinci ildönümünə həsr olunmuş Hərbi parad keçirilib

Silahlı Qüvvələrin bir qrup hərbi qulluqçu təltif edilib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3