2026-cı ilin iyununda Azərbaycanda istehlak qiymətləri indeksi illik ifadədə 5,8 faiz artıb.

Far.Az xəbər verir ki, bu barədə Azərbaycan Mərkəzi Bankının (AMB) "Pul Siyasəti İcmalı"nda məlumat verilib.

Dövlət tərəfindən tənzimlənən və mövsümi xarakterli məhsul və xidmətlərin qiymət dəyişiklikləri nəzərə alınmadan hesablanan baza inflyasiya iyunda illik 5,5 faiz təşkil edib.

Hesabat dövründə qida məhsulları, alkoqollu içkilər və tütün məmulatları üzrə illik inflyasiya 7,1 faiz olub. Ərzaq qiymətlərinin inflyasiyaya töhfəsi isə 3,1 faiz təşkil edib.

Ərzaq məhsulları arasında qiymət artımı əsasən süd və süd məhsulları, eləcə də meyvələr üzrə qeydə alınıb. Bu məhsulların illik bahalaşması müvafiq olaraq 9,5 və 10,7 faiz təşkil edib.

Qeyri-qida məhsullarının qiymətləri də illik müqayisədə 3,8 faiz yüksəlib. Bu kateqoriyada ən yüksək artım zərgərlik məmulatlarında qeydə alınıb. Onların qiyməti bir il ərzində 21,7 faiz bahalaşıb.

Oxşar xəbərlər

Aqşin Fatehin restoranında saxta alkoqollu içkilər aşkarlandı

Salyanda marketdə yararsız məhsullar və saxta içkilər tapıldı

Qiymətlər yenidən sürətlə artmağa başlayıb - SƏBƏB NƏDİR?

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib