Paytaxtın Xəzər rayonu, Mərdəkan qəsəbəsində Azərbaycanın neft milyonçularından biri olan Şəmsi Əsədullayevə məxsus tarixi bağ evi baxımsız vəziyyətdədir.

Bakının neft bumu dövründə inşa edilən bu memarlıq abidəsi 1897-1901-ci illərdə tikilib. Hazırda mülkün vəziyyəti acınacaqlıdır.

BAKU.WS xəbər verir ki, bu barədə Baku TV-nin videomaterialında deyilir.

Binanın hər bir tərəfi aşınmaya məruz qalıb. Artıq 34 ildir ki, burada məcburi köçkün ailələri məskunlaşıblar. Sakinlərin sözlərinə görə, bu illər ərzində heç bir aidiyyəti dövlət qurumu mülkün vəziyyəti ilə maraqlanmayıb.

Binanın damı yararsız halda olduğundan yağış yağanda mənzillərə su damır.

Sakinlərdən biri mövcud şəraitlə bağlı narazılığını belə ifadə edib:

"Evimizi öz vəsaitimiz hesabına təmir etməyə çalışırıq. Bura o qədər bərbad vəziyyətdədir ki, evdən yeddi ilan çıxıb. Aidiyyəti qurumlara müraciət etsək də, heç kim problemlərimizlə maraqlanmır".

Oxşar xəbərlər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Maqsud İbrahimbəyov Yaradıcılıq Mərkəzində "Neft bumu hamıya gülümsəyir" festivalının açılışı olub

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Turistlərin axın etdiyi Alban məbədi baxımsız vəziyyətdədir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN