ABŞ-nin Aeronavtika və Kosmik Fəzanın Tədqiqi Milli İdarəsi (NASA) "Artemis" (Artemida) Ay proqramını sürətləndirib.

"Report"un məlumatına görə, bu barədə NASAaY rəhbəri Cared Ayzekman bildirib.

"Biz "Artemis" proqramını sürətləndiririk. Əslində, "Artemis 3" missiyası üçün raket hazırda şaquli montaj binasında inşa olunur. Bu uçuşdan sonra 2028-ci ildə amerikalı astronavtları Ay səthinə qaytaracağıq", - o, Florida ştatındakı Kanaveral burnunda keçirilən tədbirdə bildirib.

Qeyd edək ki, mayın sonlarında "Artemis 3" missiyasında iştirak etməsi planlaşdırılan "Blue Origin" şirkətinin "New Glenn" buraxılış raketi Kanaveral burnunda keçirilən sınaq zamanı partlayıb. Şirkət 2027-ci ildə NASA-ya yeni raket verəcəyini açıqlayıb.

"Artemis 3" heyətinin SLS raket daşıyıcısı ilə aşağı Yer orbitinə çıxarılacaq "Orion" kosmik gəmisində olacağı gözlənilir.

Bundan sonra "Orion" "Blue Origin" aparatı, daha sonra isə "SpaceX"in "Starship" gəmisi ilə birləşəcək və ayrılacaq. Missiyadan sonra heyət Yerə qayıdacaq və Sakit Okeana eniş edəcək.

Missiya iki həftə davam edəcək.

Oxşar xəbərlər

"Artemida-2" Ay missiyası uğurla başa çatıb

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

NASA rəhbəri: Çin yeni Ay missiyasında ABŞ-ni qabaqlaya bilər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

NASA: Astronavtlar Aya maksimum dərəcədə yaxınlaşıblar