Özbəkistan müasir dünya üçün mühüm əhəmiyyət kəsb edən İslam sivilizasiyasının zəngin tarixi və mədəni irsinə malikdir.

Far.Az report-a istinadən xəbər verir ki, bunu Özbəkistan Prezidentinin dövlət müşaviri Müzəffər Komilov "İslam sivilizasiyası: yeni baxış - yeni kəşflər" Beynəlxalq mediaforumunun açılışında bildirib.

Onun sözlərinə görə, İslam sivilizasiyası elm, təhsil, mədəniyyət və ictimai fikrin inkişafına mühüm töhfə verib.

"İslam sivilizasiyası təkcə tarix və din deyil. O, həm də bilik, elm, təhsil, mədəniyyət və cəmiyyətin inkişafıdır", - M.Komilov qeyd edib.

O, tarixi və elmi irsin qorunub saxlanılmasının, eləcə də onun beynəlxalq ictimaiyyətə təqdim olunmasının vacibliyini vurğulayıb.

Dövlət müşaviri qeyd edib ki, Özbəkistan İslam sivilizasiyasının inkişafına mühüm töhfə vermiş görkəmli alim və mütəfəkkirlərin vətənidir.

M.Komilov, həmçinin Özbəkistan Prezidenti Şavkat Mirziyoyevin bu irsin öyrənilməsi və təbliğindəki təşəbbüslərinin rolunu vurğulayıb.

"Biz bu irsi qorumalı və gələcək nəsillərə ötürməliyik", - o bildirib.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

İlham Əliyev Ağdamda 2-ci yaşayış kompleksinin açılışında iştirak edib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Prezident İlham Əliyev IV Şuşa Qlobal Media Forumunun açılışında iştirak edib