2021-2025-ci illərdə Azərbaycanda badamın ümumi əkin sahəsi 1,8 dəfə artaraq 5 min hektar, barverən sahə isə 2,3 dəfə artaraq 3,3 min hektar olub.

"Report" xəbər verir ki, bu barədə Kənd Təsərrüfatı Nazirliyinin Ağsu rayonuna təşkil etdiyi media-turda məlumat verilib.

Bildirilib ki, müqayisə olunan dövr ərzində badamın istehsal həcmi isə təxminən 3 dəfə artaraq 9,3 min tona çatıb. Eyni zamanda, badam üzrə məhsuldarlıq göstəricisi 26,9 % artaraq hektardan 27,8 sentner olub. 2021-2025-ci illər ərzində 2 min hektardan çox yeni badam bağları salınıb. Bu dövr ərzində intensiv və superintensiv bağların sahəsi isə 2,7 dəfə artaraq 3,5 min hektar olub. 2025-ci ildə intensiv və super intensiv bağlar cəmi badam bağlarının 69,3 %-ni təşkil edib. 2025-ci ildə salınmış yeni badam bağlarının 74 %-ni intensiv və superintensiv bağlar təşkil edib.

2025–2026-cı təsərrüfat ilində salınmış, müəyyən edilmiş meyarlara və subsidiya tələblərinə cavab verən badam bağlarının hər hektarına 3 500 manat subsidiya ödənilib.

Oxşar xəbərlər

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Ağsu dolaylarındakı son durum: Sürüşmə riskini azaltmaq üçün tədbirlər görülür

Gilas bağlarına subsidiya: Fermerlər bu təşviq mexanizmindən nə qədər yararlana bilir? - ARAŞDIRMA

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3