"Sabah"ın yarımmüdafiəçisi Aleksey İsayev komandanın tarixində ilk dəfə UEFA Çempionlar Liqasının ümumi mərhələsinə vəsiqə qazanmasından sonra yaşadığı hisslərdən danışıb.

BAKU.WS Oxu.Az-a istinadən xəbər verir ki, İsayev fikirlərini Rusiyanın "Çempionat" saytının müxbiri ilə bölüşüb.

"Əlavə olunmuş dördüncü dəqiqədə qol vuranda hər şey gözümün qarşısında sanki yavaşladılmış rejimdə baş verirdi. Hətta videoda da görünür: dəli kimi sevinməyə qaçmıram. Uşaqlar qaçdı, mən isə sanki keyimişdim. Bir növ oyaq ikən görülən yuxu kimi idi.

Bu qol bizə əlavə güc verdi. Əlavə vaxtda standart vəziyyətdən ötürmə edərkən uzaqdan mənə elə gəldi ki, Orfe Mbina qapıdan kənara zərbə endirdi. Baxıram, hamı qaçır, mən isə nə baş verdiyini anlamıram. Cəmi 15 dəqiqə ərzində gözlərimdə dünya iki dəfə dayandı. Yalan demirəm!

Final fitindən sonra rahatlıq və göz yaşları oldu. Özümə söz vermişdim ki, Çempionlar Liqasında olacağam və iki il bu məqsədə doğru irəlilədim. Artıq mən oradayam!" - deyə İsayev vurğulayıb.

Oxşar xəbərlər

"Sabah" UEFA Çempionlar Liqasının əsas mərhələsinə vəsiqə qazanıb - YENİLƏNİB-11

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

"Sabah" UEFA Çempionlar Liqasında əsas mərhələyə vəsiqə qazanıb - YENİLƏNİB-11

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2