Özbəkistan 2027–2029-cu illərdə ilk dəfə Qoşulmama Hərəkatına rəhbərlik edəcək və təşkilatın səmərəliliyini artırmaq üçün öz sədrliyindən istifadə etmək niyyətindədir.

"Far.Az"un Daşkəndə ezam olunan əməkdaşı xəbər verir ki, bu barədə Özbəkistan Prezidenti Şavkat Mirziyoyev ölkənin Müstəqilliyinin 35 illiyinə həsr olunmuş təntənəli tədbirdə bildirib.

"2027–2029-cu illərdə biz ilk dəfə Qoşulmama Hərəkatına sədrlik edəcəyik. Biz dünyanın 120-dən çox dövlətini birləşdirən bu qlobal strukturun səmərəliliyinin artırılmasına yönəlmiş təşəbbüsləri fəal şəkildə irəli sürəcəyik", - o deyib.

Onun sözlərinə görə, iqtisadi artımın yüksək templəri qorunub saxlanmaqla 2030-cu ilə qədər Özbəkistanın ümumi daxili məhsulunun həcmi 300 milyard dollara çatdırılacaq. Mirziyoyev, sayının 2 milyona çatdırılması planlaşdırılan yüksək gəlirli iş yerlərinin yaradılmasını prioritet istiqamət hesab edir.

"Gənclərimizin potensialının ən dolğun şəkildə reallaşdırılması üçün startapların, vençur kapitalının və süni intellektin inkişafı da prioritet olacaq", - Mirziyoyev bildirib.

Özbəkistan liderinin sözlərinə görə, bu tədbirlər sayəsində yaxın 10 ildə adambaşına düşən ÜDM 10 min dolları ötəcək.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Şəhid analarının iştirakı ilə Vətən müharibəsində Zəfərin 5 illiyinə həsr olunmuş tədbir keçirilib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Milli mətbuatın 151 illiyinə həsr olunmuş konfransda media nümayəndələri mükafatlandırılıb