İran parlamentinin sədri Məhəmmədbaqer Qalibaf ABŞ-nin maliyyə naziri Skott Bessentin ABŞ-nin son iki həftə ərzində regiondan 130 milyon barel neft keçirə bildiyinə dair bəyanatlarını təkzib edib.

Far.Az xəbər verir ki, bu barədə Qalibaf "X" sosial şəbəkəsindəki səhifəsində paylaşım edib.

Daha əvvəl Bessent paylaşım edərək bildirib ki, Amerikanın blokadası və "İqtisadi təcrid" əməliyyatı zəifləməkdə olan İran iqtisadiyyatını darmadağın edəcək. O həmçinin qeyd edib ki, ABŞ son 14 gün ərzində regiondan 130 milyon barel neft çıxara bilib.

İran parlamentinin spikeri ABŞ-nin maliyyə nazirini yalançılıqda ittiham edib və onu Vaşinqtonun müharibə xərclərinə baxmağa çağırıb.

"Köməkçilərinizdən sizə "Moody's"in məlumatlarını təqdim etmələrini xahiş edin, həmin məlumatlara əsasən, ABŞ-nin İranla müharibə xərcləri 130 milyard dollardan çox təşkil edib", - Qalibaf yazıb.

Daha əvvəl ABŞ Prezidenti Donald Tramp İrana qarşı iqtisadi təzyiqlərin gücləndirilməsi üzrə irimiqyaslı əməliyyatın başladığını elan etmişdi. Buna cavab olaraq Qalibaf qeyd edib ki, ABŞ-nin İrana göstərdiyi hərbi və iqtisadi təzyiq Vaşinqtonun özü üçün ağır nəticələrə gətirib çıxaracaq.

Oxşar xəbərlər

İlham Əliyev İranın müdafiə və silahlı qüvvələrə dəstək nazirini qəbul edib

İlham Əliyev Litvanın Baş nazirini qəbul edib

Prezident İlham Əliyev Bakı Enerji Həftəsinin rəsmi açılış mərasimində iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

ABŞ Prezidenti Donald Trampın təşəbbüsü ilə yaradılan Sülh Şurası təsis edilib