Rusiya Prezidenti Vladimir Putin Bişkekdə Ermənistanın Baş naziri Nikol Paşinyanla planlaşdırılan görüşü zamanı İrəvanın Avropa İttifaqına (Aİ) qoşulmaq istəyini müzakirə etmək niyyətindədir.

"Report" xəbər verir ki, bu barədə Rusiya Prezidentinin mətbuat katibi Dmitri Peskov bildirib.

"Ən yüksək səviyyədəki hər bir təmas vacibdir. Prezident, əlbəttə ki, bu görüşdən arqumentlərimizi bir daha təkrarlamaq üçün istifadə edəcək", - Peskov Putin və Paşinyanın qarşıdan gələn görüşünün Ermənistanın Rusiyadan uzaqlaşmasını dayandırmağa kömək edib-etməyəcəyi ilə bağlı suala cavab verərkən jurnalistlərə bildirib.

Onun sözlərinə görə, ölkənin gələcəyi ilə bağlı qərarı ermənilər özləri qəbul etməlidirlər.

"Biz ermənilərdən daha çox erməni ola bilmərik. Və əlbəttə ki, öz taleyi ilə bağlı qərarı ermənilər özləri verəcəklər", - Peskov qeyd edib.

O əlavə edib ki, Rusiya Ermənistana ölkənin gələcək kursu məsələsi ilə bağlı referendum keçirməyi təklif edir. Peskovun sözlərinə görə, analoji təklif Avrasiya İqtisadi İttifaqına üzv dövlətlərin başçılarının Astanada keçirilən son sammitində qəbul edilmiş bəyanatında da yer alır.

"Söhbət də elə bütün bunlardan gedəcək", - Rusiya Prezidentinin mətbuat katibi bildirib.

Oxşar xəbərlər

Bişkekdə TDT ölkələri hökumət başçılarının iclası olub, Birgə Bəyanat qəbul edilib

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Düşənbədə İlham Əliyevin Vladimir Putinlə təkbətək görüşü olub

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib