İspaniyanın Kordova Universitetinin alimləri B12 vitaminindən istifadə etməklə enerji istehsal edən və yenidən doldurula bilən təcrübə batareyası hazırlayıblar. Prototip sınaqlar zamanı 250-yə qədər doldurulma və boşalma dövrünü tamamlayıb.

BAKU.WS xəbər verir ki, tədqiqatçılar sink-hava batareyasında katalizator kimi tanınan B12 vitaminindən istifadə ediblər. Bu texnologiya gələcəkdə bərpaolunan enerji mənbələrindən əldə edilən artıq elektrik enerjisinin saxlanmasına imkan yarada bilər.

Adi batareyalardan fərqli olaraq, sink-hava batareyaları elektrik enerjisi istehsalı üçün havadakı oksigendən istifadə edir. Bu xüsusiyyət onların daha yüngül olmasına və yüksək enerji sıxlığına malik olmasına şərait yaradır. Sinkin bol olması və təkrar emal edilə bilməsi də texnologiyanın üstünlüklərindəndir.

Tədqiqatçıların qarşılaşdığı əsas çətinliklərdən biri B12 vitamininin batareyanın tərkibində sabit saxlanılması olub. Vitamin suda asanlıqla həll olunduğundan alimlər onu birdivarlı karbon nanoborucuqlarına birləşdiriblər. Bu üsul vitaminin batareyanın daxilində qalmasına və kimyəvi reaksiyalarda iştirak etməsinə imkan verib.

B12 vitamini batareyanın həm elektrik enerjisi istehsalı, həm də yenidən doldurulması prosesində katalizator rolunu oynayır. Sınaqlar zamanı prototip 250 doldurulma-boşalma dövrünə tab gətirib.

Hələlik eksperimental mərhələdə olan texnologiyanın daha da təkmilləşdirilməsi nəzərdə tutulur. Alimlər hesab edirlər ki, bu cür batareyalar gələcəkdə daha təhlükəsiz və ekoloji baxımdan dayanıqlı enerji saxlama sistemlərinin yaradılmasına töhfə verə bilər.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycanın yeni sənaye modelinin konturları - TƏHLİL

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Ülvi Mehdiyev Baku TV-yə müsahibə verib