Cənubi Qafqazda sülhdən danışanda çox vaxt sərhədlərdən söz açılır, amma bura minatəmizləmə prosesi də əlavə olunmalıdır.

"Far.Az" xəbər verir ki, bunu Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov "Şəhərlərin bərpası üçün humanitar minatəmizləmə: Təhlükəsiz yaşayış məskənləri üçün mükəmməllik standartlarının müəyyənləşdirilməsi" mövzusunda 4-cü Beynəlxalq Minatəmizləmə Konfransının ikinci günündə deyib.

​Onun sözlərinə görə, Azərbaycanda müharibə bitsə də, mina problemi bitməyib:

"Çoxillik maliyyə layihələri planlaşdırılmalıdır. Cənubi Qafqazda sülh dedikdə təkcə sərhədlər yox minalar da müzakirə olunmalıdır. Hər bir mina partlayışı sülh quruculuğunu biraz daha ləngidir. Ümid edirik tezliklə bu problem də aradan qalxacaq. Beynəlxalq təşkilatlar da bu prosesə dəstək verməlidir. Hazırda minatəmizləmə üçün vəsaitin 95 faizi dövlət hesabına yerinə yetirilir. Bu rəqəmin azalması üçün beynəlxalq dəstək mütləqdir. Yüksək texnologiyalı dronlardan, süni intellekdən istifadə, onların alınması üçün maliyyə lazımdır".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Polis Günündə də post başında – Bakının küçələrindən diqqətçəkən FOTOLAR

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2