Avropa Futbol Assosiasiyaları İttifaqı (UEFA) Beynəlxalq Futbol Federasiyaları Assosiasiyasının (FIFA) hazırkı rəhbəri Canni İnfantinonun 2027-ci ilin martında keçiriləcək seçkilərdə namizədliyini dəstəkləməyəcək.

"Report" xəbər verir ki, bu barədə təşkilatın mətbuat xidməti məlumat yayıb.

"Əgər FIFA-nın hazırkı prezidenti yenə də mandat almağa cəhd edərsə, UEFA üzv assosiasiyaları layiqli alternativlə təmin etmək üçün tərəfdaş konfederasiyaları ilə səylərini birləşdirəcək", - bəyanatda deyilir.

Qeyd edək ki, İnfantino 2016-cı ildən FIFA-ya rəhbərlik edir.

Bu gün jurnalist Rob Harris "X" sosial şəbəkə səhifəsində bildirib ki, UEFA futbol üzrə dünya çempionatının hüquqlarının bir hissəsini özəl investorlara satmaq cəhdlərinə görə İnfantino barəsində cinayət təqibi başlatmağa hazırlaşır.

Daha əvvəl Uels, İsveç, Serbiya və digərlərinin də aralarında olduğu bir neçə Avropa milli federasiyası DÇ-nin hüquqlarının bir hissəsinin satışı ətrafındakı qalmaqal fonunda İnfantinonun namizədliyinə olan dəstəyi geri götürüb. UEFA FIFA yarışlarını boykot etməklə hədələyirdi, nəticədə layihə geri götürülüb.

Oxşar xəbərlər

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Prezident Ərəb Koordinasiya Qrupuna üzv qurumların rəhbər şəxslərini qəbul edib

MOK-da "Milli İdman Federasiyaları üçün Təhlükəsiz İdman Proqramı" keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

BDU-da şəhid jurnalist Məhərrəm İbrahimova həsr olunmuş kitabın təqdimatı keçirilib