Bu ilin avqust ayında Azərbaycanda bütün platformalarda (kompüter, mobil cihazlar və planşetlərdə) "Google" axtarış sisteminin bazar payı 97,35 % təşkil edib.

"Far.Az"un "Statcounter" agentliyinin son hesabatına istinadən verdiyi xəbərə görə, bu, iyul ayına nisbətən 1,06 faiz bəndi az, 2025-ci ilin avqust ayının göstəricisi ilə müqayisədə 16,63 faiz bəndi çoxdur.

İkinci pillədəki "Yandex"in bazar payı aylıq müqayisədə 0,93 faiz bəndi artaraq, illik isə 14,88 faiz bəndi və ya 9 dəfə azalaraq 1,89 %-də qərarlaşıb.

Növbəti yerdə qərarlaşan "Bing"in bazar payı ay ərzində 0,06 faiz bəndi artaraq, illik isə 0,74 faiz bəndi azalaraq 0,57 % olub.

Dördüncü yerdəki "DuckDuckGo"nun bazar payı ay ərzində 0,05 faiz bəndi artaraq, illik müqayisədə isə 0,47 faiz bəndi azalaraq 0,11 % təşkil edib.

İlk beşliyi qapadan "Yahoo"nun bazar payı ay ərzində 0,03 faiz bəndi artaraq, illik müqayisədə isə 0,45 faiz bəndi azalaraq 0,07 % olub.

Oxşar xəbərlər

Azərbaycanda axtarış sistemləri arasında "Yahoo"nun bazar payı martda 29 % azalıb

Azərbaycanda axtarış sistemləri arasında "Yandex"in bazar payı mayda 62 % azalıb

"Yandex" bir ayda Azərbaycandakı bazar payının 24 %-ni itirib

"Google Gemini"nin Azərbaycandakı bazar payı 2 ayda 5 dəfəyə yaxın azalıb

Azərbaycanda planşetlərdə "Chrome"un payı 18 % azalıb