Çimərlik voleybolu üzrə U-20 Avropa çempionatına start verilib.

"Far.Az" xəbər verir ki, İtaliyanın Battipalia şəhərində keçirilən yarışda oğlanların mübarizəsində 33 ölkədən 40 cüt, qızların yarışında isə 33 ölkədən 41 cüt iştirak edir.

Azərbaycanı yarışda təmsil edən İbrahim Məmmədov/Muhamməd Aslanlı və Səbinə Əlizadə/Leyla Əliyeva mübarizəyə təsnifat mərhələsindən başlayıblar.

Qızlardan ibarət kollektiv bu mərhələdə Portuqaliya təmsilçilərinə 0:2 (14:21, 16:21) hesabı ilə məğlub olaraq mübarizəni dayandırıb.

İbrahim Məmmədov/Muhamməd Aslanlı cütü isə təsnifat mərhələsində Serbiya təmsilçilərinə 2:0 (21:6, 21:11) hesabı ilə qalib gələrək əsas mərhələyə yüksəlib.

Bu gün əsas mərhələdə ilk oyununa çıxan oğlanladan ibarət komanda isə reytinq cədvəlində 6-cı pillədə qərarlaşan Finlandiya təmsilçiləri Vanhatupa/Vilyamaa ilə qarşılaşıb.

Gərgin mübarizə şəraitində keçən görüşdə İbrahim Məmmədov/Muhamməd Aslanlı 2:1 (14:21, 21:18, 15:10) hesabı ilə qalib gəlib.

Komandamız sabah növbəti oyununu Norveçdən olan Kyemperud/Rinqoen cütünə qarşı keçirəcək.

Oxşar xəbərlər

Leyla Əliyeva və Alyona Əliyeva mükafatlandırma mərasimində iştirak ediblər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər