İsrailin Baş naziri Benyamin Netanyahu bildirib ki, ölkənin əsas xarici siyasət vəzifəsi İranda hakimiyyətin dəyişdirilməsidir və yaxın gələcəkdə buna nail olmaq tamamilə mümkündür.

"Far.Az" xəbər verir ki, Netanyahu bu barədə müdafiə naziri İsrael Kats, Baş Qərargah rəisi Eyal Zamir və ordu rəhbərliyi ilə görüşündə bildirib.

"Mən bu təhlükəni birdəfəlik aradan qaldırmaq qabiliyyətimizə əminəm. Yəni Tehrandakı hakimiyyəti devirməyə. Bu, qarşımızda duran əsas məqsəddir, lakin ona nail olmaq artıq yaxındır. Bu, mümkünsüz deyil və tamamilə əlçatandır", - Netanyahu vurğulayıb.

Onun iddialarına görə, İran hazırda həmişə olduğundan daha zəifdir və sağ qalmaq uğrunda mübarizə aparır.

"Mən düşmənlərimizə deyirəm: bizimlə işiniz olmasın. Əgər nə isə öyrənmisinizsə, o da budur ki, bizimlə işiniz olmasın. Sizi məğlub etmək üçün gücümüz, qətiyyətimiz və daxili birliyimiz var", - baş nazir əlavə edib.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

İlham Əliyev Türküstanda TDT-nin qeyri-rəsmi Zirvə görüşündə iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2