ABŞ-nin keçmiş əmək naziri Lori Çaves-DeRemer barədə hazırlanan müfəttiş hesabatında bir sıra qayda pozuntuları aşkarlanıb.

BAKU.WS xəbər verir ki, Əmək Nazirliyinin Baş Müfəttişlik Ofisinin hesabatında Çaves-DeRemerin mühafizəçisi Brayan Sloan ilə "uyğunsuz dərəcədə yaxın və peşəkarlıqdan kənar" münasibət saxladığı bildirilib.

Bununla belə, araşdırma zamanı onların arasında romantik və ya cinsi münasibətin olduğunu sübut edən kifayət qədər dəlil əldə edilməyib.

Hesabatda həmçinin Çaves-DeRemerin 2025-ci ilin aprelində Oreqonda striptiz klubuna getdiyi və mühafizəçisinə rəqqasənin üzərinə pul qoymağı tapşırdığı qeyd olunub.

Müfəttişlər keçmiş nazirin şəxsi və xidməti səfərləri qaydalara zidd şəkildə birləşdirdiyini, dövlət əmlakında icazəsiz spirtli içki saxlayıb istifadə etdiyini və dövlət resurslarından şəxsi işləri üçün yararlandığını da müəyyən ediblər.

Çaves-DeRemer Donald Tramp administrasiyasında əmək naziri vəzifəsində çalışıb və 2026-cı ilin aprelində istefa verib.

Oxşar xəbərlər

Şabranda hotelin fəaliyyəti dayandırıldı - yanğın təhlükəsizliyi pozuntuları aşkarlanıb

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3