Qadınlardan ibarət UNEC voleybol klubu Azərbaycan çempionatının 2026/2027 mövsümündə əsasən gənclərdən ibarət heyətlə mübarizə aparacaq.

Bunu "Report"a açıqlamasında komandanın baş məşqçisi Fərid Cəlalov deyib.

Mütəxəssis qarşıya qoyulan hədəflər haqqında danışıb:

"Bu mövsüm UNEC gənclərdən təşkil olunmuş heyətlə yarışa qatılacaq. Ötən il gənclərin çempionatında iştirak edən heyətdən bir neçə voleybolçunu komandaya cəlb etmişik. Hətta 14-16 yaşlı voleybolçular heyətdə yer alıblar. Hədəfimizdən biri çempionatda yüksək pillələr uğrunda mübarizə aparmaqdırsa, digəri gəncləri inkişaf etdirərək Azərbaycan voleybolunun tərəqqisinə töhfə verməkdir".

F.Cəlalov heyətin komplektləşdirildiyini və təlim-məşq toplanışının başlanacağını bildirib:

"Transferləri reallaşdırmışıq və heyəti demək olar ki, komplektləşdirmişik. Yaxın bir neçə gün ərzində hazırlığa başlamağı planlaşdırırıq".

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

FHN Cəmşid Naxçıvanski adına Hərbi Liseydə təlim keçirib

"Zirə" UEFA Konfrans Liqasının 2026/2027 mövsümündə ilk oyununda qələbə qazanıb - YENİLƏNİB-7

Azərbaycan Premyer Liqası klublarının yay hazırlıq prosesi, transfer siyasəti və hədəfləri – SORĞU