Türkiyə Prezidenti Rəcəb Tayyib Ərdoğan Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed Al Nəhyan ilə telefon danışığı aparıb.

"Report" xəbər verir ki, bu barədə Türkiyə Prezident Administrasiyasının Kommunikasiya İdarəsi məlumat yayıb.

Danışıq zamanı Türkiyə ilə BƏƏ arasında ikitərəfli münasibətlər, eləcə də regional və qlobal məsələlər müzakirə olunub.

Ərdoğan Türkiyə ilə BƏƏ arasında müdafiə sənayesi və iqtisadiyyat başda olmaqla, bir çox sahədə əməkdaşlığın artaraq davam edəcəyini bildirib. O, iki ölkə arasında münasibətlərin inkişafı istiqamətində səylərin davam etdirildiyini vurğulayıb.

Türkiyə Prezidenti İran-ABŞ gərginliyinin və regiondakı digər münaqişəli proseslərin sona çatdırılması üçün rəsmi Ankaranın səy göstərdiyini qeyd edib.

Ərdoğan Türkiyənin sülhə yönəlmiş diplomatik təşəbbüslərinin davam edəcəyini, regiondakı qardaş ölkələrə qarşı hücumları heç vaxt qəbul etmədiklərini bildirib. O, digər regional məsələlərdə də Türkiyə ilə BƏƏ arasında əməkdaşlığın əhəmiyyətli olduğunu vurğulayıb.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Əbu-Dabidə Azərbaycan Prezidenti İlham Əliyevin Birləşmiş Ərəb Əmirliklərinin Prezidenti ilə görüşü olub

Prezident İlham Əliyev Bakı Enerji Həftəsinin rəsmi açılış mərasimində iştirak edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3