Azərbaycan Qış İdman Növləri Federasiyasının baş katibi Günel Bədəlova fiqurlu konkisürən Veronika Jilinanın Azərbaycan adından debüt etməsinə münasibət bildirib.

Federasiya rəsmisi "Far.Az"a açıqlamasında idmançının Yaponiyanın paytaxtı Tokioda keçirilən "Kinoshita Cup" yarışındakı iştirakı ilə bağlı fikirlərini bölüşüb.

G.Bədəlova turnirdə ən güclü konkisürənlərin mübarizə apardığını xatırladıb.

"Bu, Veronika Jilinanın 2021-ci ildən sonra ilk yarışı oldu. Uğurlu çıxış hesab etmək olar. Həm qısa, həm də sərbəst proqramda təmiz nəticə göstərdi. Ümid edirik ki, qarşıdakı yarışlarda ona veriləcək ballar daha çox olacaq və idmançımız daha yüksək yerləri tutacaq. Amma iştirakçıları nəzərə alsaq, Yaponiyadakı turnir dünya çempionatına yaxın səviyyədə idi. Bu səbəbdən uğurlu çıxış etdiyini deyə bilərik".

Xatırladaq ki, Veronika Jilina 193 xal toplayaraq yekun sıralamada 6-cı pillədə qərarlaşıb.

Oxşar xəbərlər

Azərbaycanın fiqurlu konkisürəni Veronika Jilina beynəlxalq turnirdə 6-cı yeri tutub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bakı şəhərinin sevilən Qış nağılı yenidən Fəvvarələr meydanında!

Qış turizm mövsümü öncəsi daxili turizm imkanları nümayiş etdirilib

Həvəskar velosipedçilər arasında Federasiya Kubokunun qalibləri müəyyənləşib