Rusiya Almaniyanın Sankt-Peterburqdakı baş konsulluğunun fəaliyyətinə verdiyi icazəni ləğv edir.

Bu barədə "Report" Rusiya Xarici İşlər Nazirliyinin (XİN) məlumatına istinadən xəbər verir.

Məlumata görə, baş konsulluq sentyabrın 18-dən gec olmayaraq fəaliyyətini dayandırmalı, onun bütün əməkdaşları isə Rusiya ərazisini tərk etməlidir.

Bundan başqa, Moskva Rusiyada Höte adına alman mədəniyyət mərkəzlərinin fəaliyyətinin dayandırılmasını tələb edib. Onların ezam olunmuş əməkdaşları sentyabrın 13-dən gec olmayaraq ölkəni tərk etməlidirlər.

"Diplomatik missiyanın rəhbərinə Rusiya XİN-in müvafiq notaları təqdim edilib", - məlumatda deyilir.

Nazirlikdə qeyd ediblər ki, bu qərarlar sentyabrın 7-də Rusiyanın Bonndakı baş konsulluğunun və Berlindəki Rusiya Elm və Mədəniyyət Evinin bağlanmasına cavab tədbiridir.

Oxşar xəbərlər

İlham Əliyev Səməd Vurğun adına Yaradıcılıq Evinin açılışında iştirak edib

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Almaniya-Azərbaycan: Humanitar bağlar və tarixi ənənələr - Lonqrid