Hörmüz boğazından keçən gəminin gəmi əleyhinə qanadlı raketlə vurulduğu iddia edilir. Hadisə ilə bağlı ilkin məlumatlar açıqlansa da, insident hələlik rəsmi şəkildə təsdiqlənməyib.

Far.Az xəbər verir ki, "Fars" agentliyi "BeamTracker Military OSINT" platformasına istinadən məlumat yayıb.

"İlkin məlumatlar Hörmüz boğazında partlayış barədə xəbər verir. Bu partlayış gəmi əleyhinə qanadlı raketin atılması nəticəsində baş verib", – deyə platformanın məlumatında qeyd olunub.

Məlumatda Vaşinqton Yaxın Şərq Siyasəti İnstitutunun analitiki Noam Reydanın da fikirlərinə yer verilib.

"Oktyabr ayında Hörmüz boğazında və ətraf su yollarında kommersiya gəmilərinə qarşı hücumlar rekord səviyyəyə çatıb", – deyə analitik bildirib.

Qeyd edək ki, İran tərəfi neft tankerlərinin Hörmüz boğazında minaya düşdüyünü iddia edir. Böyük Britaniyanın Dəniz Ticarət Əməliyyatları İdarəsi (UKMTO) isə gəmilərin naməlum mərmilərlə vurulduğu barədə məlumatlar yayıb.

Lakin "Fars" agentliyinin son insidentlə bağlı yaydığı məlumata UKMTO hələlik münasibət bildirməyib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

"Fars": Hörmüz boğazında bir gəmi qanadlı raketlə vurulub

Turistləri heyran qoyan DİYAR: Alov, neft və palçığın qovuşduğu məkandan FOTOREPORTAJ

UKMTO: Hörmüz boğazında tanker hücuma məruz qalıb – YENİLƏNİB