Beynəlxalq Atom Enerjisi Agentliyinin (BAEA) İdarə Heyətinin sentyabrın 9-da qəbul etdiyi qətnamə digər ölkələri Nüvə Silahlarının Yayılmaması haqqında Müqavilədən (NSYM) çıxmağa sövq edə bilər.

"Report" xəbər verir ki, bu barədə İranın Ali Milli Təhlükəsizlik Şurasının katibi Möhsün Rezayi bildirib.

Rezayi BAEA-nın İrana qarşı qəbul etdiyi qətnaməni tənqid edib. Onun sözlərinə görə, sənəd qanunsuz, texniki baxımdan əsassız və sırf siyasi xarakter daşıyır: "BAEA İdarə Heyətinin İrana qarşı qəbul etdiyi qətnamə qanunsuz, texniki baxımdan əsassız, sırf siyasi və qəbuledilməzdir. Qətnamədə ABŞ və İsrailin təzyiqinin açıq izi görünür".

O əlavə edib ki, BAEA-nın siyasiləşdirilmiş və dağıdıcı addımları digər ölkələri Nüvə Silahlarının Yayılmaması haqqında Müqavilədən çıxmağa sövq edə bilər.

Qeyd edək ki, BAEA-nın İdarə Heyəti bundan əvvəl ABŞ və üç Avropa ölkəsinin təklifi ilə İranın nüvə proqramına dair qətnamə qəbul edib. Səsvermə zamanı 23 ölkə sənədin lehinə səs verib, 8 ölkə bitərəf qalıb, 3 ölkə isə qətnamənin əleyhinə çıxıb.

İranın Vyanada yerləşən beynəlxalq təşkilatlar yanında nümayəndəliyi qətnaməni qərəzli və siyasi motivli adlandırıb.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev Vaşinqtonda Sülh Şurasının ilk iclasında iştirak edib

"Global Media Group" Media Akademiyasının təlim proqramına start verilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2