Şimali Koreya şənbə günü Yapon dənizi istiqamətində bir neçə qısa mənzilli ballistik raket buraxıb.

"Report" xəbər verir ki, bu barədə Cənubi Koreyanın Birləşmiş Qərargah Rəisləri Komitəsinə istinadən "Yonhap" agentliyi məlumat yayıb.

Məlumata görə, raketlər Vonsan ərazisindən saat 05:20 (Bakı vaxtı ilə 00:20) radələrində buraxılıb və təxminən 250 kilometr uçduqdan sonra dənizə düşüb. Cənubi Koreya hərbçiləri amerikalı həmkarları ilə birlikdə buraxılan raketlərin dəqiq xüsusiyyətlərini təhlil edirlər.

Buraxılışlar Cənubi Koreya, ABŞ və Yaponiyanın birgə hərbi təlimlərinin başa çatmasından bir gün sonra baş verib. Mənbələrin məlumatına görə, Koreya Xalq Demokratik Respublikası (KXDR), ehtimal ki, "Hvason-11" seriyalı ballistik raketlərin və 600 mm kalibrli yaylım atəşli reaktiv sistem mərmilərinin bir neçə ardıcıl buraxılışını həyata keçirib.

05:10

Koreya Xalq Demokratik Respublikası (KXDR) şənbə günü Yapon dənizi istiqamətində naməlum mərmi buraxıb.

"Report" xəbər verir ki, bu barədə "Yonhap" informasiya agentliyi Cənubi Koreyanın Birləşmiş Qərargah Rəisləri Komitəsinə istinadən məlumat yayıb.

Mərminin növü hələlik müəyyən edilməyib.

Daha sonra ABŞ Silahlı Qüvvələrinin Sakit Okean Komandanlığı Şimali Koreyanın son raket buraxılışı barədə məlumat verib. Bildirilib ki, buraxılış Birləşmiş Ştatlar və onun müttəfiqləri üçün birbaşa təhlükə yaratmır.

"Biz son raket buraxılışından xəbərdarıq, müttəfiqlərimiz və tərəfdaşlarımızla sıx məsləhətləşmələr aparırıq. ABŞ öz ərazisinin müdafiəsini təmin etməyə və regiondakı müttəfiqlərini qorumağa əvvəlkitək sadiqdir", - hərbçilərin "X" sosial şəbəkəsindəki paylaşımında deyilir.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident Zəngilan şəhərində 104 mənzilli yaşayış kompleksində görülmüş işlərlə tanış olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2