Bu gün Azərbaycan Dövlət Su Ehtiyatları Agentliyinin (ADSEA) yanında Suların İstifadəsinə və Mühafizəsinə Dövlət Nəzarəti Xidmətinin inzibati binasında Şirvan suvarma kanalının yenidən qurulması ilə bağlı yaradılmış İşçi qrupunun növbəti iclası keçirilib.

"Report" xəbər verir ki, bu barədə Dövlət Xidməti məlumat yayıb.

İclasda Prezident İlham Əliyevin "Şirvan suvarma kanalının yenidən qurulması haqqında" Sərəncamından irəli gələn məsələlərin icrası, tikinti-quraşdırma işlərinin müəyyən edilmiş qrafikə uyğun və yüksək keyfiyyətlə aparılması, həmçinin aidiyyəti qurumlar arasında koordinasiyanın təmin edilməsi ilə bağlı məsələlər müzakirə olunub.

İclas zamanı layihə üzrə görülən işlərin hazırkı vəziyyəti, tikinti-quraşdırma işlərinin gedişi, qarşıya çıxan çətinliklər və onların həlli istiqamətində görülən tədbirlər müzakirə olunub. İşçi qrupunun rəhbəri Rafiq Aslanov mövcud vəziyyətlə bağlı fikir və təkliflərini səsləndirib, aidiyyəti qurumların nümayəndələrinin təkliflərini dinləyib.

Müzakirələr zamanı səsləndirilən təkliflər nəzərə alınaraq işlərin təsdiq edilmiş qrafikə uyğun davam etdirilməsi, mövcud problemlərin operativ həlli, layihədə olan çatışmazlıqların aradan qaldırılması ilə bağlı aidiyyəti üzrə müvafiq tapşırıqlar verilib.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər" - MÜSAHİBƏ