Türkiyədə cinayətkar qruplaşmalara qarşı əməliyyatlar çərçivəsində 1 613 şübhəli şəxs saxlanılıb.

"Far.Az" xəbər verir ki, bu barədə ölkənin ədliyyə naziri Akın Gürlek "X" sosial şəbəkə hesabında yazıb.

Nazirin sözlərinə görə, ölkə üzrə 78 Baş Prokurorluğun koordinasiyası ilə 151 əməliyyat keçirilib: "Hazırda 1 613 şübhəli saxlanılıb, 618 şübhəlinin tutulması barədə qərar verilib".

Axtarışlar çərçivəsində 199 odlu silah, 9 039 patron və mərmi, 2 əl qumbarası, 10 520 sintetik narkotik vasitə və narkotik həb, eləcə də təxminən 37,25 kiloqram narkotik maddə aşkarlanaraq götürülüb.

Araşdırmalar zamanı 26,9 milyard türk lirəsi (təxminən 940,53 milyon manat) həcmində maliyyə dövriyyəsi müəyyən edilib.

Bununla yanaşı, 408 bank hesabı, 35 daşınmaz əmlak, 31 nəqliyyat vasitəsi və 10 şirkət müsadirə olunub.

Nazir qeyd edib ki, əməliyyatlardan yayınan şübhəlilərin saxlanılması və digər araşdırmalar davam etdirilir.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

"McDonald's Azərbaycan" və DSMF şəhid övladlarının iştirakı ilə teatr tamaşası təşkil edib

Beş tondan artıq narkotik vasitə məhv edilib

Milli mətbuatın 151 illiyinə həsr olunmuş konfransda media nümayəndələri mükafatlandırılıb

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib