Beynəlxalq Olimpiya Komitəsi (BOK) 2030-cu ildə təşkil olunacaq Qış Olimpiya Oyunlarında bir sıra idman növləri üzrə yarışların keçiriləcəyi məkanları təsdiqləyib.

"Report" quruma istinadən xəbər verir ki, hokkey matçları 2028-ci il dünya çempionatını da qəbul edəcək Desin-Şarpye stadionunda və Liondakı Toni Qarnye adına arenada keçiriləcək.

Fiqurlu konkisürmə, şort-trek və körlinq yarışları Liondakı Eurexpo sərgi mərkəzində təşkil olunacaq. Olimpiadanın baş media mərkəzi də orada yerləşəcək.

Dağ-xizək idmanında sürətli eniş, superqiqant, kişilər və qadınlar arasında komanda kombinasiyası yarışları Kurşeveldə keçiriləcək. Slalom və qiqant slalom yarışları isə Val-d'İzerdə baş tutacaq.

BOK, həmçinin Ullen-Pyer-Benit kommunasında tikilməkdə olan yaşayış kompleksini Lion klasteri üçün Olimpiya kəndi kimi təsdiqləyib.

Qeyd edək ki, 2030-cu il Qış Olimpiya Oyunları fevralın 1-dən 17-dək Alp dağlarının Fransa ərazisindəki hissəsində keçiriləcək.

Oxşar xəbərlər

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

XXV Qış Olimpiya Oyunlarının açılış mərasimi keçirilib - YENİLƏNİB

Mehriban Əliyeva Bişkekdə dekorativ-tətbiqi sənət ustalarının əl işlərindən ibarət sərgi ilə tanış olub

XXV Qış Olimpiya Oyunlarının açılış mərasimi keçirilib

Media nümayəndələri Bakı Olimpiya Stadionunda WUF13-lə bağlı görülən işlərlə tanış olublar