Azərbaycanın kişilərdən və qadınlardan ibarət milli komandaları Özbəkistanın Səmərqənd şəhərində keçirilən 46-cı Ümumdünya Şahmat Olimpiadasında növbəti qələbələrini qazanıblar.

Far.Az xəbər verir ki, II turda Azərbaycanın kişilərdən ibarət yığması Filippin millisini 3:1 hesabı ilə məğlub edib.

Şəhriyar Məmmədyarov və Məhəmməd Muradlı rəqiblərinə qalib gəliblər. Aydın Süleymanlı və Eltac Səfərli isə görüşlərini heç-heçə başa vurublar.

Qadınlardan ibarət Azərbaycan millisi isə Danimarka yığmasını 4:0 hesabı ilə məğlub edib. Ülviyyə Fətəliyeva, Günay Məmmədzadə, Gövhər Beydullayeva, Xanım Balacayeva və Gülnar Məmmədovadan ibarət komandanın heyətində Fətəliyeva, Məmmədzadə, Balacayeva və Məmmədova rəqiblərinə qalib gəliblər.

Qeyd edək ki, ilk turda Azərbaycanın kişilərdən ibarət millisi Mərakeşi, qadınlardan ibarət yığmamız isə Qvatemalanı 4:0 hesabı ilə məğlub edib.

Ümumdünya Şahmat Olimpiadası İsveçrə sistemi üzrə 11 turdan ibarətdir. Yarış sentyabrın 27-də başa çatacaq.

Oxşar xəbərlər

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

DÇ-2026-nın ən cazibədar xanım azarkeşləri

Azərbaycan yığmaları Özbəkistanda 46-cı Ümumdünya Şahmat Olimpiadasında mübarizəyə başlayır

Aydın Süleymanlı dünya çempionu Maqnus Karlseni məğlub edib