İspaniya millisinin və "Barselona"nın futbolçusu Lamin Yamal 2026-cı il dünya çempionatının finalında Fərran Torresin vurduğu qələbə qolunda öz rolundan danışıb.

Far.Az xarici KİV-ə istinadən xəbər verir ki, Yamalın sözlərinə görə, qolun əsasını onun topu irəli apararaq iki argentinalı müdafiəçini özünə çəkməsi qoyub. Bundan sonra Pedro Porro cinahdan sərbəst şəkildə ötürmə etmək imkanı qazanıb və Torres həmin hücumu qolla tamamlayıb.

"İnsanlar bunu fərq etmir, amma finaldakı Fərranın qolu yalnız mənim topu aparmağım sayəsində mümkün oldu. İki müdafiəçini üzərimə çəkdim və bundan sonra Pedro Porro maneəsiz şəkildə orta aça bildi", – deyə Yamal bildirib.

Futbolçu əlavə edib ki, belə epizodları özü yaxşı görür, lakin bununla kifayətlənmir.

"Bacardığınızı biləndə bu sizə kifayət etmir", – deyə Yamal vurğulayıb.

Qeyd edək ki, İspaniya finalda Argentinanı 1:0 hesabı ilə məğlub edərək dünya çempionu olub.

Oxşar xəbərlər

Lamin Yamal 19 yaşını belə qeyd etdi

Həyatda yaxşı şeyləri niyə görmürük? - Tanınmış simaların FİKİRLƏRİ

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Zangilan City Park Hotel"in təməlini qoyub - YENİLƏNİB