Futbol üzrə Azərbaycan Qadınlar Super Liqasının 2026/2027 mövsümündə mühüm dəyişikliklər və yeniliklər olacaq.

Far.Az report-a istinadən xəbər verir ki, bunu AFFA-nın Qadın Futbolu Departamentinin rəhbəri Zümrüd Ağayeva jurnalistlərə açıqlamasında deyib.

"Bu gün Azərbaycan Qadınlar Super Liqasının 2026/2027 mövsümünün püşkatma mərasimi keçirildi. Bu mövsüm liqamız mühüm dəyişikliklər və yeniliklərlə yadda qalacaq. İlk növbədə yarışın adı dəyişdirilərək Qadınlar Super Liqası adlandırıldı, həmçinin yeni loqo təqdim olundu. Eyni zamanda, yeni format tətbiq ediləcək. Çempionata iki yeni klub – "İmişli" və "Goranboy" komandaları qoşulub. Beləliklə, mübarizə 12 klubun iştirakı ilə baş tutacaq", - o bildirib.

Z.Ağayeva "Qarabağ" klubunun yarışdakı iştirakı və gələcəklə bağlı gözləntiləri barədə də məlumat verib:

"Qarabağ" komandası aşağı yaş liqalarında iki komanda ilə təmsil olunacaq. Ümid edirik ki, növbəti mövsümlərdə Premyer Liqanın bütün klublarının qadın komandalarını da yarışımızda görəcəyik. Hələlik qeydiyyat prosesi davam edir. Klubların qeydiyyatı tam yekunlaşdıqdan sonra media nümayəndələrinə ətraflı məlumat veriləcək".

Qeyd edək ki, Azərbaycan Qadınlar Super Liqasına oktyabrın 18-də start veriləcək.

Oxşar xəbərlər

Heydər Əliyev Mərkəzində "Vəhşi təbiətin super qəhrəmanları" sərgisi açılıb

AFFA rəhbərliyi cənub bölgəsinə səfər edib

DTA tabeliyindəki qoruq və müəssisələrdəki yeniliklər təqdim olunub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib