BMT-nin İqlim Dəyişmələri üzrə çərçivə Konvensiyasının Tərəflər Konfransının 29-cu sessiyası (COP29) həm Azərbaycan, həm də dünya üçün ən böyük tədbirlərdən biridir.

"Report" xəbər verir ki, bunu Alban-Udi xristian dini icmasının sədri Robert Mobili COP29 tədbiri zamanı jurnalistlərə açıqlamasında bildirib.

Onun sözlərinə görə, COP29 dünyada keçirilən ən böyük tədbirlərdən biridir: “Burada iştirak edən qonaqların sayı da bunun göstəricisidir. Əlbəttə ki, bu tədbir “yaşıl dünya”nın qorunmasına istiqamətlənib. COP29-un əsas məqsədi insanların təbiətə ziyan vurmasının qarşısını almaqdır. İnsanlar təkcə ağac əkməli deyil, həm də təbiəti qorumalıdır. Burada həm geoloji, həm bioloji, həm də coğrafi amillər mühüm rol oynayır".

R.Mobili vurğulayıb ki, COP29 Azərbaycan üçün möhtəşəm tədbirdir: “Buraya gələn qonaqlar Azərbaycan həqiqətləri ilə də tanış olurlar. Onlar həmçinin Qarabağa, işğaldan azad edilmiş ərazilərə baş çəkəcəklər. Həmin ərazilərdəki vəziyyətlə tanış olacaqlar. Bizim məqsədlərimizdən biri də budur. Azərbaycanın inkişafını, onun yaratdığı infrastrukturu hər bir qonaq görməlidir".

O qeyd edib ki, Ermənistanın işğalı dövründə Qarabağda islam irsi silinib: “Bundan başqa, həmin ərazilərdə alban, alban kilsəsi ilə bağlı izlər də yox edilib. Ermənistanın işğal dövründə "bərpa etdiyi" abidələr isə saxtalaşdırılıb. Azərbaycan bu kilsələrin, abidələrin hər birini bərpa edəcək".

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY

XİN başçısı BMT BA-nın 79-cu sessiyasında çıxış edib - YENİLƏNİB