Özbəkistanda ölkənin Naxçıvan dəmir yolunun tikintisində iştirak imkanlarının öyrənilməsi üzrə işçi qrup yaradılıb.

"Far.Az" "Spot"a istinadən xəbər verir ki, bu barədə Özbəkistanın nəqliyyat naziri İlhom Mahkamov "O'zbekiston 24" telekanalına müsahibəsində bildirib.

Onun sözlərinə görə, Özbəkistan Prezidenti Şavkat Mirziyoyevin Gürcüstan və Azərbaycana səfərləri zamanı Xəzər dənizinin infrastrukturundan istifadə, bərələrin alınması və Azərbaycan dəmir yolunun tikintisində pay iştirakı ilə bağlı tapşırıqlar verilib.

"Bu istiqamətlərin hər biri üzrə ayrıca işçi qrup yaradılıb", - Mahkamov deyib.

O qeyd edib ki, Özbəkistanın Nəqliyyat Nazirliyi görülən işlər, əldə olunan nəticələr və ilin sonunadək qarşıda duran vəzifələr barədə hesabatlar təqdim edib və gələcək tapşırıqları alıb.

Daha əvvəl bildirilib ki, Özbəkistan Türkiyədə Samsun və İstanbul limanlarına çıxış təmin edəcək Naxçıvan dəmir yolunun tikintisində iştirak imkanını nəzərdən keçirir.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib