Asiya İnkişaf Bankı (AİB) Azərbaycanın ÜDM-nin 2026-cı ildə 1,6 %, 2027-ci ildə isə 1,8 % artacağını gözləyir.

"Far.Az" AİB-in proqnozlarına istinadən xəbər verir ki, cari ilin proqnozu aprel ayı proqnozu ilə müqayisədə 0,4 faiz bəndi azaldılıb, gələn il üçün proqnoz isə dəyişməz olaraq qalıb.

Bu o deməkdir ki, 2026-2027-ci illərdə orta illik iqtisadi artım 1,7 % olacaq.

"İlin sonuna qədər artımın zəif qalacağı gözlənildiyi üçün 2026-cı il üçün artım proqnozu azaldılıb, lakin iqtisadi bərpa gözləntiləri fonunda 2027-ci il üçün proqnoz dəyişməz qalıb", - bank izah edir.

Analitiklərin hesabatlarına görə, ümumilikdə, Qafqaz, Mərkəzi və Qərbi Asiya üçün ümumi iqtisadi artım proqnozu 2026-cı ildə 0,1 faiz bəndi azaldılaraq 3,7 %-ə, 2027-ci ildə isə 4,1 %-ə endirilib.

Dövlət Statistika Komitəsinin məlumatına görə, Azərbaycan iqtisadiyyatı 2025-ci ildə 1,4 % artıb.

İqtisadiyyat Nazirliyi bu il ÜDM artımını 1,7 %, gələn il isə 2,7 % səviyyəsində qiymətləndirir. Azərbaycan Mərkəzi Bankı 2026-cı ildə ÜDM-in 0,5 %, 2027-ci ildə isə 2,6 % artımını gözləyir.

Niderlandın ən böyük bank qrupu "ING Group" Azərbaycanın iqtisadi artımını 2026-cı ildə 1,9 %, 2027-ci ildə 3 %, 2028-ci ildə 2,3 % səviyyəsində proqnozlaşdırır.

BMT-nin hesablamalarına görə, Azərbaycanın iqtisadi artımı 2026-cı ildə 2,7 %, 2027-ci ildə isə 2,6 % olacaq.

"Fitch Solutions" 2026-cı ildə Azərbaycanın real ÜDM artımının 2,5 % olacağını gözləyir.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2