ABŞ Prezidenti Donald Trampın yanında fəaliyyət göstərən Sülh Şurası Qəzza zolağının bərpası üçün 2.45 milyard dollar dəyərində altı aylıq plan təqdim edəcək.

BAKU.WS Oxu.Az-a istinadən xəbər verir ki bu proqram infrastruktur, iqtisadiyyat, rəqəmsallaşma, hüquq sahəsi, sülh və təhlükəsizlik daxil olmaqla altı fərqli istiqamət üzrə 66 layihəni əhatə edir.

Xüsusilə, müvəqqəti sığınacaqların inşası, dağıntıların təmizlənməsi, sərhəd məntəqələrinin və tibb müəssisələrinin təmiri, iqtisadi dirçəliş, həmçinin çoxmillətli təhlükəsizlik qüvvələrinin yerləşdirilməsi planlaşdırılır.

Sənəddə qeyd olunur ki, Qəzzaya dəymiş fiziki ziyan 35.2 milyard dollar həcmində qiymətləndirilir. Bölgənin tam bərpası isə on il ərzində təxminən 71.4 milyard dollar tələb edəcək. Altı aylıq layihənin həyata keçirilməsi üçün lazım olan maliyyə vəsaiti isə hələlik tam toplanmayıb.

Portalın məlumatına görə, layihənin uğurla icrası İsrail və HƏMAS arasında əməkdaşlığı zəruri edir. Sülh Şurası bərpa işlərinə İsraildəki parlament seçkilərindən və yeni hökumət qurulduqdan sonra başlamağı hədəfləyir, lakin mövcud siyasi vəziyyət bu gedişatı çətinləşdirə bilər.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3