Azərbaycanlılara qarşı müharibə cinayəti törədən şəxslərə məhkəmələr tərəfindən layiqli cəzalar verilib.

"Far.Az" xəbər verir ki, bunu Baş prokuror Kamran Əliyev Azərbaycam Prokurorluğunun yaradılmasının 108-ci ildönümü və prokurorluq işçilərinin peşə bayramı günü münasibətilə Baş Prokurorluqda tədbirdə deyib.

O bildirib ki, əməkdaşlar istər müharibə dövründə, istərsə də müharibədən sonrakı mərhələdə erməni silahlı birləşmələri tərəfindən mülki əhaliyə və infrastruktura vurulmuş ziyanın, habelə törədilmiş digər cinayətlərin müəyyən edilməsi, araşdırılması və ictimaiyyətə çatdırılması istiqamətində var qüvvələri ilə çalışıblar:

"Həmin işlər üzrə təqsirləndirilən şəxslərə prokurorluğun iştirakı ilə məhkəmələr tərəfindən layiqli cəzalar verilib".

Baş prokuror İkinci Qarabağ müharibəsindən qazanılan uğurlarda prokurorluq əməkdaşlarının da mühüm rol oynadıqlarını qeyd edib.

K.Əliyev, həmçinin bildirib ki, ötən dövr ərzində prokurorluq orqanları qarşısında Prezident İlham Əliyev tərəfindən müəyyən edilmiş vəzifələrin icrası istiqamətində məqsədyönlü tədbirlər həyata keçirilib:

"Bu müddət ərzində peşəkar və layiqli kadrların vəzifədə irəli çəkilməsi təmin edilib, prokurorluq əməkdaşlarının maddi-məişət şəraitinin yaxşılaşdırılması istiqamətində işlər davam etdirilib, orqanların maddi-texniki bazası əsaslı şəkildə yenilənib".

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

20 Sentyabr - Neftçilər Günü münasibətilə tədbir keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3